ეს ოპცია გააუქმებს მთავარ გვერდს. აღადგენს ყველა დახურული ვიჯეტსა თუ კატეგორიას.

აღდგენა

სექსოლოგია

სექსოლოგია აივ ინფექცია/შიდსი კაცობრიობის ხანგრძლივ ისტორიას მრავალი ეპიდემია ახსოვს. ერთი მათგანია აივ ინფექცია/შიდსი, რომელმაც აღმოჩენისთანავე მთელი მსოფლიოს ყურადღება მიიპყრო და მოკლე ხანში გლობალურ პრობლემად იქცა. მართალია, მსოფლიო სტატისტიკით, საქართველო აივ ინფექცია/შიდსის დაბალი გავრცელების ქვეყნებს მიეკუთვნება და, რაც კიდევ უფრო საინტერესოა, ამ ქვეყნებს შორისაც ერთ-ერთი უკანასკნელი ადგილი უკავია, მაგრამ, მეორე მხრივ, ეპიდემიის კანონზომიერებიდან გამომდინარე, შეგვიძლია ვივარაუდოთ, რომ რეგისტრირებულთა უკან აივ ინფექცია/შიდსის 4000-მდე არარეგისტრირებული შემთხვევა დგას, ეს კი ისეთი მცირერიცხოვანი ქვეყნისთვის, როგორიც საქართველოა, დამაფიქრებელი რიცხვია. რამდენიმე წლის წინ უცხოელი ექსპერტები გვაფრთხილებდნენ, რომ საქართველოს შიდსის ფართომასშტაბიანი ეპიდემია ემუქრებოდა. განგაში მას შემდეგ ატყდა, რაც უკრაინასა და რუსეთში აივ ინფექცია/შიდსის შემთხვევების რაოდენობამ ფაქტობრივად ერთ წელიწადში ორჯერ და მეტად მოიმატა. თუმცა უცხოელ ექსპერტთა პროგნოზი არ ეფუძნებოდა მხოლოდ მეზობელ ქვეყნებში შექმნილი ვითარების საქართველოსა და, საზოგადოდ, კავკასიაზე შესაძლო გავლენის ანალიზს - ასეთი განცხადებების საფუძველს ქვეყნის შიგნით მოქმედი ფაქტორებიც იძლეოდა. კერძოდ: ნარკომანიის ფართო გავრცელება; საქართველოს მეზობელ ქვეყნებში შიდსის გავრცელების თვალსაზრისით არასახარბიელო მდგომარეობა; მოსახლეობის მზარდი მიგრაცია და ფართო საერთაშორისო კონტაქტები; ერთჯერადი სამედიცინო ინსტრუმენტების, სადეზინფექციო და სასტერილიზაციო საშუალებათა ნაკლებობა; სამედიცინო პერსონალის არასაკმარისი უნარ-ჩვევები ინფექციათა გადაცემის პროფილაქტიკის საკითხებთან დაკავშირებით; პრეზერვატივებზე ტრადიციულად დაბალი მოთხოვნა; შიდსის შესახებ მოსახლეობის ცოდნის დაბალი დონე. რეგისტრირებული შემთხვევები 2012 წლის 1 ივნისის მონაცემებით, საქართველოს ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრში რეგისტრირებულია შიდსის ვირუსით ინფიცირების 3339 შემთხვევა. აქედან 2443 მამაკაცია, 896 - ქალი. პაციენტთა უმრავლესობა 29-დან 40 წლამდე ასაკისაა. შიდსის დაავადება განუვითარდა 2022 პაციენტს, მათგან 736 გარდაიცვალა. 2012 წელს აღირიცხა 224 ახალი შემთხვევა. არვ მკურნალობას იტარებს 1209 პაციენტი, მათგან - 36 ბავშვი. საინტერესო სტატისტიკა არსებობს აივ ინფექციის გადაცემის სამი ძირითადი გზა: დაუცველი (პრეზერვატივის გარეშე) სქესობრივი კონტაქტი აივინფიცირებულ პირთან; აივინფიცირებულ სისხლთან კონტაქტი - სისხლის გადასხმით, აივინფიცირებულის სისხლით დაბინძურებული გაუსტერილებელი სამედიცინო ინსტრუმენტებით, აივინფიცირებულის სისხლით დაბინძურებული ნემსებით (წესისამებრ, ნარკოტიკების ინტრავენური მოხმარებისას). ინფიცირებული დედისგან შვილზე ორსულობის, მშობიარობის ან ძუძუთი კვების დროს. აივინფიცირებულები გადაცემის გზების მიხედვით შემდეგნაირად ნაწილდებიან: 54,6% - ინექციური ნარკომანიით; 38,1% - ჰეტეროსექსუალური კონტაქტით; 3,7% - ჰომოსექსუალური კონტაქტით; 0,5% - სისხლის გადასხმით; 2,2% - ვერტიკალური გზით (დედიდან შვილზე); 0,9% - დაუდგენელი გზით. აივინფიცირებულთა განაწილება რეგიონების მიხედვით: თბილისი - 1097 შემთხვევა; აჭარა - 405 შემთხვევა; სამეგრელო - 450 შემთხვევა; იმერეთი - 432 შემთხვევა; ფოთი - 51 შემთხვევა; კახეთი - 145 შემთხვევა; ქვემო ქართლი - 147 შემთხვევა; შიდა ქართლი - 100 შემთხვევა; აფხაზეთი - 258 შემთხვევა; მცხეთა-მთიანეთი - 24 შემთხვევა; რაჭა-ლეჩხუმი - 6 შემთხვევა; სამცხე-ჯავახეთი - 39 შემთხვევა; გურია - 67 შემთხვევა; სვანეთი - 11 შემთხვევა; უცხოელი - 65 შემთხვევა. საქართველოში აივ ინფექციის გავრცელების თავისებურება ისეთივეა, როგორიც აღმოსავლეთ ევროპის ქვეყნებში; შიდსის გავრცელების თვალსაზრისით რისკჯგუფს, უწინარეს ყოვლისა, ინექციური ნარკომანები წარმოადგენენ, მაგრამ, როგორც სხვა ქვეყნების გამოცდილება გვიჩვენებს, ეპიდემია არ შემოიფარგლება მხოლოდ ნარკომანთა წრით; მისი შემდეგი მსხვერპლნი ნარკომანთა სქესობრივი პარტნიორები იქნებიან. შიდსის საფრთხე ყველას ემუქრება. დაბოლოს, სქესობრივი კონტაქტის გზით ინფიცირების შანსი საკმაოდ მაღალია. ამ გზით ინფიცირებულები რაოდენობრივად პირველ ადგილს იკავებენ საქართველოში ნარკოტიკების ინტრავენური მომხმარებლების შემდეგ. აივ ინფექცია შეიძლება გადაეცეს ნებისმიერი სახის (ვაგინალური, ანალური, ორალური) დაუცველი სქესობრივი კონტაქტის დროს. აქვე უნდა ითქვას, რომ დაუცველი ჰეტეროსექსუალური კონტაქტის დროს ქალის ინფიცირების რისკი უფრო მაღალია, ვინაიდან სპერმაში აივ მეტია, ვიდრე ვაგინალურ სეკრეტში.

სრული ინფორმაცია  →


კატეგორია: მედიცინა

სექსოლოგია


კომენტარის დაწერა

კომენტარის დატოვება შეუძლიათ მხოლოდ დარეგისტრირებულ მომხმარებლებს.